Måla for kollektivtrafikken i Hordaland er ambisiøse, og Skyss arbeider for at talet kollektivreisande skal auke vesentleg i åra framover – spesielt i Bergensområdet. Kollektivtilbodet skal framstå som eit attraktivt, enkelt og riktig val for dei reisande. Dette krev systematisk arbeid med å bygge opp eit kollektivtilbod som er enkelt og tilpassa reisebehova til dei fleste. Nye digitale kanalar for trafikantinformasjon stiller også stadig høgare krav til kvalitet i og forvaltning av rutedata som ligg til grunn.
Stillinga som ruteplanleggar er knytt til avdeling Trafikktilbod i Skyss. Avdelinga har mellom anna ansvar for det langsiktige, strategiske utviklingsarbeidet knytt til rutetilbodet, operativ dagleg ruteplanlegging og forvaltning av rutedata. Avdelinga er inndelt i tre faggrupper, og stillinga tilhøyrer faggruppe tilbodsutvikling. Oppgåvene som ligg til den ledige stillinga vil vere knytt både til den langsiktige planlegginga av trafikktilbodet, operasjonalisering av langsiktige planar til dagleg drift, og arbeid med rutedata.
Arbeidsoppgåver for stillinga:
- Utvikling av rutetilbod og linjenett – både buss, bane og båt – i heile fylket
- Utvikling av busstilbodet i Bergensområdet spesielt
- Ruteplanlegging og kvalitetssikring av rutedata
- Analysar av transportbehov og moglegheiter for kollektivtrafikken
- Planarbeid og uttalar knytt il infrastruktur og framkomsttiltak for kollektivtrafikken
Personlege eigenskapar:
- Løysningsorientert
- Evne til å arbeide sjølvstendig
- Gode samarbeidsevner
- God arbeidskapasitet
Kvalifikasjonar:
- Høgare utdanning innanfor relevante fagområde
- Ønske om kompetanse innan planlegging av transport, effektiv logistikk og produksjonsplanlegging og/eller veg- og trafikkplanlegging
- Ønske om erfaring frå planprosessar for areal- og transportplanlegging og fysisk tilrettelegging for kollektivtrafikk
- Nyutdanna søkarar vil også bli vurderte
Følgjande blir tilbydd:
- Spennande oppgåver i eit engasjert arbeidsmiljø
- Gode moglegheiter for fagleg utvikling
- Gode pensjonsordningar gjennom Hordaland fylkeskommune
- Fleksible arbeidstidsordninger
- Lønn etter avtale
Ein person med sterkt engasjement for kollektivtrafikken si rolle i samfunns-, by- og regionsutviklinga vil i denne stillinga ha moglegheit for betydeleg innverknad på kollektivtrafikken i Hordaland.